Қызметкерлер балаларына жеңілдік науқаны басталды

Әл-Фараби атындағы ҚазҰУ қызметкерлерінің кәсіподағы 2026-2027 оқу жылына арналған оқу ақысына жеңілдіктер беру бойынша жыл сайынғы науқанның басталғанын хабарлайды. Қызметкерлер мен олардың отбасыларын әлеуметтік қолдау – университет басты басымдықтарының бірі. Университеттің штаттық қызметкерлері ҚазҰУ-да бірінші немесе жоғары курстарда оқитын балаларының оқу ақысына жеңілдік алу үшін өтінім бере алады. 

Құжаттарды қабылдау 2026 жылдың 25 қыркүйегіне дейін (қоса алғанда) жалғасады. 

Қажетті құжаттар тізімі:

Бірінші курс студенттері үшін (1-курс). 

• Студенттің (баланың) жеке куәлігінің көшірмесі.

• Бекітілген үлгідегі өтініш (қызметкер толтырады).

• Жұмыс орнынан қолдаухат (сіз қызмет ететін құрылымдық бөлімшенің, кафедраның немесе деканаттың басшысынан).

• Әл-Фараби атындағы ҚазҰУ-дағы жұмыс өтілін растайтын кадрлар бөлімінен анықтама.

• Баланың 1-курста оқитынын растайтын деканаттан анықтама.

Оқуын жалғастырушылар үшін (2-курс және одан жоғары):

• Студенттің деканатта міндетті түрде куәландырылған ресми транскрипті (үлгерімі мен GPA балын тексеру үшін қажет).

• Бекітілген үлгідегі өтініш.

• Ата-анасының жұмыс орнынан қолдаухат.

• Әл-Фараби атындағы ҚазҰУ-дағы жұмыс өтілі туралы кадрлар бөлімінен анықтама.

Өтініш формасын қызметкерлер Кәсіподақ комитетінен ала алады.

Әл-Фараби атындағы ҚазҰУ Баспасөз қызметі