ОРЫС ТІЛІ МЕН МӘДЕНИЕТІ ОРТАЛЫҚТАРЫ: ҚАЗҰУ-ДАҒЫ ХАЛЫҚАРАЛЫҚ САРАПШЫЛЫҚ СҰХБАТ

📍 2026 жылдың 27 қазанында әл-Фараби атындағы Қазақ ұлттық университетінің филология факультетінде «Орыс тілі мен мәдениеті орталықтары: халықаралық ынтымақтастықтың тәжірибесі, инновациялары мен болашағы» атты халықаралық сарапшылық сессия өтті.

Іс-шара халықаралық гуманитарлық ұйымдардың өкілдерін, орыс орталықтарының жетекшілерін, Қазақстан, Ресей, Қырғызстан және Тәжікстанның жетекші ғалымдары мен сарапшыларын біріктірді.

🎓 Қатысушылардың назарында орыс тілі мен мәдениеті орталықтарының халықаралық желісін дамыту, тиімді білім бирге тәжірибелерін тарату, цифрлық технологияларды енгізу, мәдениетаралық сұхбатты нығайту және академиялық ынтымақтастықты кеңейту мәселелері болды.

🎤 Сарапшылық сессияның модераторы қызметін педагогика ғылымдарының докторы, профессор-зерттеуші, әл-Фараби атындағы ҚазҰУ филология факультетінің «Орыс тілі мен мәдениеті» орталығының жетекшісе Сәуле Баязиқызы Беғалиева атқарды.

Халықаралық сарапшылық сессия барысында келесі тұлғалар сөз сөйледі:

🇷🇺 Виктор Борисович Буянов, «Russkiy Mir» қорының Білім беру бағдарламалары басқармасының жетекшісі, қатысушыларға арнап құттықтау сөз сөйледі.

🇷🇺 Сергей Александрович Улитин, «Russkiy Mir» қорының Орыс орталықтары басқармасының және іс-шараларды ұйымдастыру бөлімінің бас жобалық менеджері, орыс орталықтарының қызметі мен халықаралық ынтымақтастықтың болашағына қатысты сарапшылық талқылауға қатысты.

🇰🇬 Гүлнар Мырзалиевка Мырзахметова, К. Қарасаев атындағы Бішкек мемлекеттік университетінің ғылыми жұмыстар жөніндегі проректоры, ғылыми-білім беру саласындағы өзара іс-қимылдың болашағы мен халықаралық академиялық байланыстарды дамыту мәселелерін талқылауға қатысты.

🇹🇯 Мехриниссо Бозоровна Нагзибекова, филология ғылымдарының докторы, профессор, Тәжік ұлттық университеті жанындағы Орыс орталығының жетекшісі, орталықтың жұмыс тәжірибесі мен оны одан әрі дамыту мүмкіндіктеріне арналған «ТҰУ-дың Орыс орталығы: қызметінің негізгі бағыттары, жетістіктері мен болашағы» атты баяндамасын ұсынды.

🇹🇯 Азиз Тошмуродович Салоев, филология ғылымдарының кандидаты, доцент, орыс тілі кафедрасының меңгерушісі, Ресей-Тәжік (Славян) университеті жанындағы Орыс орталығының жетекшісі, «РТУ-дың Орыс орталығы: тіл, мәдениет, білім» атты баяндамасымен сөз сөйледі.