Түркітану және Шығыс елдерінің тарихы кафедрасының студенттеріне «Университеттің студенттік Ар - намыс кодексі және ішкі ережелері» тақырыбында дәріс өткізілді

Әл-Фараби атындағы Қазақ ұлттық университетінің Шығыстану факультеті Түркітану және Шығыс елдерінің тарихы кафедрасының ұйымдастыруымен бірінші курс студенттеріне арналған ақпараттық дәріс өткізілді. Іс-шараның негізгі мақсаты – студенттерді университеттің білім беру ортасында сақталуы тиіс маңызды нормативтік құжаттармен таныстыру, сондай-ақ олардың құқықтары мен міндеттері және мінез-құлық нормалары туралы түсініктерін қалыптастыру.

Дәріс барысында студенттерге әл-Фараби атындағы ҚазҰУ студенттерінің Ар-намыс кодексінің және ҚазҰУ Студенті туралы ереженің негізгі талаптары түсіндірілді. Атап айтқанда, университеттік әдеп нормаларын сақтау, академиялық адалдық қағидаттарын ұстану, оқытушыларға, университет қызметкерлеріне және басқа студенттерге құрметпен қарау мәселелеріне ерекше назар аударылды.

Академиялық адалдық қазіргі заманғы білім беру жүйесінің маңызды қағидаттарының бірі ретінде қарастырылды. Студенттерге оқу тапсырмаларын өз бетінше орындаудың маңыздылығы, плагиатқа, көшіріп алуға және академиялық адалдықты бұзудың басқа да түрлеріне жол бермеу қажеттілігі түсіндірілді. Сонымен қатар білім алушылардың оқу үдерісіне жауапкершілікпен қарауы олардың кәсіби және тұлғалық дамуына тікелей ықпал ететіні атап өтілді.

          Дәріс барысында студенттердің негізгі құқықтары мен міндеттері де талқыланды. Олардың университеттің академиялық және қоғамдық өміріне белсенді қатысуы, ішкі тәртіп ережелерін сақтау, оқу үдерісіне жауапкершілікпен қарау және студенттік ортада қолайлы ахуалды қалыптастырудағы рөлі түсіндірілді.

Мұндай ақпараттық іс-шаралар бірінші курс студенттерінің университеттік ортаға табысты бейімделуіне үлкен ықпал етеді. Олар студенттерге университеттің талаптарын жақсы түсінуге, өз құқықтары мен міндеттерін білуге және оқу үдерісіне жауапкершілікпен қарауға мүмкіндік береді. Сонымен қатар мұндай кездесулер академиялық мәдениетті, әлеуметтік жауапкершілікті және университеттің құндылықтары мен дәстүрлеріне деген құрметті қалыптастыруға бағытталған.

                                                             Дулаева Эльнара Зильпикаровна