ҚазҰУ психологтары жастармен жұмыста ғылым мен практиканы ұштастыруда

17 қыркүйекте Алматыда қаланың жетекші жоғары оқу орындарының психологтары мен мамандарының басын қосқан мастер-класс өтті. Кездесу «Менің таңдауым» профилактикалық бағдарламасын әзірлеу, апробациялау және дамыту бойынша үш жылдық жұмыстың қорытындысын шығарды.

Бағдарлама 2023 жылы әл-Фараби атындағы ҚазҰУ базасында жастар арасында психобелсенді заттарды қолданудың алдын алу жобасы ретінде Partners in Health қолдауымен басталды. Бағдарламаны іске асыру үшін «тең-теңіне» қағидаты бойынша тренингтер өткізген студент-волонтерлер даярланды. Апробация тәжірибесі мен қатысушылар және мамандардың кері байланысы бағдарламаны одан әрі дамытуға негіз болды.

Жаңа кезең ЖТН BR24993083 «Пресуицидтік көзқарас кешенді көрсеткіш және мониторинг объектісі ретінде: Қазақстандағы жастар мен жасөспірімдерді популяциялық зерттеу» ғылыми жобасымен байланысты. Бағдарлама эмоционалдық қолайсыздықты ерте тану, құрдастарды қолдау және дер кезінде көмекке жүгіну мәселелеріне арналған материалдармен толықтырылды. Нәтижесінде «Менің таңдауым» практикалық құралының екінші, толықтырылған және өңделген басылымы әзірленді.

Қорытынды мастер-класс жаңартылған бағдарламаны мамандарға ұсыну алаңына айналып, жастардың психологиялық әл-ауқатын сақтауға бағытталған ғылым, практика және үкіметтік емес сектор арасындағы ынтымақтастықтың жалғасы болды.

Мастер-классты Забира Мадалиева мен Сандуғаш Құдайбергенова жүргізді. Ұйымдастырушы — әл-Фараби атындағы ҚазҰУ-дың Философия және саясаттану факультеті, ҚР ДСМ Республикалық психикалық денсаулық ғылыми-практикалық орталығы мен «Денсаулық жолындағы серіктестер» ҮЕҰ қолдауымен.