ТДМ 3. Жақсы денсаулық және әл-ауқат: Барлық жастағы адамдардың салауатты өмір салтын қамтамасыз ету және әл-ауқатын арттыруға жәрдемдесу

Әл-Фараби атындағы Қазақ ұлттық университетінде 30 қыркүйекте «Барлық жастағы адамдардың салауатты өмір салтын қамтамасыз ету және әл-ауқатын арттыруға жәрдемдесу» тақырыбында кездесу өтті.

Іс-шараның ұйымдастырушылары – әлеум.ғ.д., әл-Фараби атындағы ҚазҰУ-дың әлеуметтану және әлеуметтік жұмыс кафедрасының доценті Б.Н. Қылышбаева және әлеум.ғ.к., Т.А. Морозова

Іс-шара №3 Тұрақты даму мақсаты «Жақсы денсаулық және әл-ауқат» аясында өткізілді. Атап айтқанда, кездесу есірткі заттары мен алкогольді қоса алғанда, психобелсенді заттарға тәуелділіктің алдын алу мен оны емдеуді күшейтуге бағытталған ТДМ 3.5 міндетіне арналды.

Кездесу барысында Қазақстандағы наркологиялық қызметті жаңғырту, тәуелділігі бар адамдарға көмек көрсетудің кешенді модельдерін дамыту, сондай-ақ негізінен дәрі-дәрмекпен емдеуден кешенді медициналық-әлеуметтік оңалтуға көшу мәселелері қарастырылды. Шақырылған сарапшы, «AMAN» қоғамдық қорының өкілі П. Савин, оңалту саласындағы практикалық тәжірибесімен бөлісіп, студенттердің сұрақтарына жауап берді. Тәуелді мінез-құлқы бар адамдарға көмек көрсету жүйесіндегі әлеуметтік қызметкерлердің рөліне ерекше назар аударылды. Болашақ мамандар оңалту орталықтарының жұмысын ұйымдастыру, тәуелділігі бар адамдармен әлеуметтік жұмыстың заманауи технологиялары, пәнаралық сүйемелдеу, қайталанудың алдын алу және әлеуметтік қызмет ету қабілетін қалпына келтіру мәселелерін талқылай алды.

Кездесу студенттердің кәсіби білімін кеңейтуге және оларды психобелсенді заттарды қолданудың алдын алу, оңалту және тәуелділікке тап болған адамдарды әлеуметтік интеграциялаудың практикалық тәсілдерімен таныстыруға бағытталды.