Сакария университетінің өкілдерімен кездесу: халықаралық академиялық серіктестікті дамыту.

Сакария университетінің өкілдерімен кездесу: халықаралық академиялық серіктестікті дамыту.
Әл-Фараби атындағы ҚазҰУ заң факультетінің теория және мемлекет пен құқық тарихы, конституциялық және әкімшілік құқық кафедрасында кафедраның профессор-оқытушылар құрамының Сакария университеті (Түрік Республикасы) өкілдерімен кездесуі өтті.
Кездесу барысында заң білімі мен ғылым саласындағы халықаралық ынтымақтастықты дамытудың негізгі бағыттары қаралды. Қатысушылар бірлескен ғылыми-зерттеу жобаларын іске асыру, оқытушылар мен студенттердің академиялық ұтқырлық бағдарламаларын кеңейту, сондай-ақ халықаралық конференциялар, семинарлар және білім беру бастамаларын өткізу перспективаларын талқылады.
Ғылыми және білім беру тәжірибесімен алмасу, құқық және мемлекеттік басқару саласында мамандар дайындауға заманауи тәсілдерді енгізу, сондай-ақ университеттер арасындағы ұзақ мерзімді серіктестік қатынастарды нығайту мәселелеріне ерекше назар аударылды.
Кездесу ашық диалог, өзара құрмет және бірлесіп дамуға ұмтылыс атмосферасында өтті. Ол халықаралық ынтымақтастықты кеңейту және жаңа білім беру мен ғылыми жобаларды іске асыру жолындағы маңызды қадам болды.