Жастар Қазақстанның болашағы туралы: Конституция, құндылықтар және азаматтық жауапкершілік.

Қоғамдық пікірді қалыптастыру жобасы аясында Жоғары медициналық колледжде студенттермен «Жастар Қазақстанның болашағы туралы: Конституция, құндылықтар және азаматтық жауапкершілік» тақырыбында мазмұнды кездесу өтті.
Іс-шараның басты мақсаты жас ұрпақтың белсенді азаматтық ұстанымын қалыптастыру, құқықтық мәдениет деңгейін арттыру, қоғамдық құндылықтарды нығайту және әрбір азаматтың Қазақстан Республикасының бүгіні мен болашағы үшін жеке жауапкершілігін сезіну болды.
Кездесудің спикері Әл-Фараби атындағы Қазақ ұлттық университетінің мемлекет және құқық теориясы мен тарихы, конституциялық және әкімшілік құқық кафедрасының профессоры, заң ғылымдарының докторы Ибраева Алуа Саламатқызы болды.
Кездесу барысында маңызды мәселелер талқыланды: Қазақстан Республикасы Конституциясының маңызы; азаматтардың құқықтары мен міндеттері; заңнаманы сақтау және заңға құрмет; азаматтық жауапкершілік; қоғамдық келісім мен өзара құрмет; жастардың қазіргі Қазақстан дамуындағы рөлі.
Студенттерде тұрақты құндылықтық бағдарларды, заңға, қоғамға және айналадағыларға құрметті көзқарасты қалыптастыруға, сондай-ақ күшті әрі гүлденген мемлекет құрудағы білімнің, кәсібиліктің және жеке жауапкершіліктің рөлін түсінуге ерекше назар аударылды.