Халықаралық ынтымақтастықты дамыту аясындағы кездесу
2026 жылғы 17 қыркүйекте әл-Фараби атындағы ҚазҰУ заң факультетінде Халықаралық VIZION университетінің (Македония) бірінші проректоры, профессор Абдулмежит Нурединмен кездесу өтті.
Кездесудің ұйымдастырушысы заң факультетінің теория және мемлекет пен құқық тарихы, конституциялық және әкімшілік құқық кафедрасы болды.
Кездесу барысында халықаралық академиялық және ғылыми ынтымақтастықты дамыту, тәжірибе алмасу, бірлескен білім беру және ғылыми бастамаларды іске асыру, сондай-ақ университеттер арасындағы одан әрі өзара іс-қимыл перспективалары талқыланды.
Мұндай кездесулер кафедраның халықаралық байланыстарын нығайтуға ықпал етеді және академиялық алмасу, бірлескен зерттеулер мен халықаралық жобалар үшін жаңа мүмкіндіктер ашады.
Жаңа халықаралық байланыстар — ғылым, білім және кәсіби даму үшін жаңа мүмкіндіктер!
